Bilall Kasami promovon rrugën “Sami Frashëri” në Tetovë

Kryetari i Komunës së Tetovës, Bilall Kasami, promovoi sot rrugën e rikonstruktuar “Sami Frashëri”, një nga projektet infrastrukturore që synon përmirësimin e kushteve të qarkullimit dhe jetës së qytetarëve.

Gjatë promovimit, Kasami theksoi se investimet në infrastrukturën rrugore mbeten një nga prioritetet kryesore të komunës, me fokus krijimin e një qyteti më funksional, më të sigurt dhe më të zhvilluar për të gjithë banorët.

Sipas Kasamit, realizimi i këtij projekti është pjesë e përpjekjeve të vazhdueshme për modernizimin e rrjetit rrugor në Tetovë, duke ju ofruar qytetarëve infrastrukturë cilësore dhe standarde më të mira jetese.

Banorët e lagjes kanë mirëpritur përfundimin e punimeve, ndërsa nga Komuna e Tetovës bëjnë të ditur se investimet në infrastrukturë do të vazhdojnë edhe në pjesë të tjera të qytetit.