Dy shqiptarë e nisin nga fillimi, publikohen formacionet zyrtare të ndeshjes Zvicër – Kolumbi

Zvicra dhe Kolumbia përballen sonte në Kupën e Botës 2026, me vendin e fundit në çerekfinale që është ende në lojë.

Skuadra e Murat Yakinit siguroi kualifikimin në fazën e 1/8-ës së finales pas fitores së qetë 2-0 ndaj Algjerisë, ndërsa Kolumbia mposhti Ganën me rezultat minimal 1-0.

Mbrojtësi i djathtë Silvan Widmer është rikuperuar mjaftueshëm për të qenë në bankën rezervë të Zvicrës, megjithatë largimi i Johan Manzambit, Ruben Vargasit dhe Djibril Sow nga stërvitja e së hënës para kohe ngriti shqetësime serioze.

Vargas dhe Sow kanë arritur të jenë pjesë e skuadrës për ndeshjen, ndërsa Luca Jaquez dhe Michel Aebischer mungojnë.

Kapiteni Granit Xhaka, Manuel Akanji dhe Breel Embolo janë titullarë, pavarësisht se po monitoroheshin për atë që stafi mjekësor e përshkroi si “mbingarkesë muskulore”.

Nga fillimi e nis edhe një shqiptar tjetër, Ardon Jashari.

Në anën tjetër, Kolumbia ka humbur sulmuesin Jhon Córdoba për pjesën e mbetur të turneut, pasi ai pësoi një dëmtim në muskulin aduktor gjatë ndeshjes me Ganën. Ai është në listën e ndeshjes, por nuk pritet të aktivizohet.

Nico Elvedi do të formojë çiftin e qendrës së mbrojtjes me Manuel Akanjin.

Në mesfushë, Remo Freuler, ish-lojtar i Nottingham Forestit, do të luajë përkrah Granit Xhakës.

Johan Manzambi mungon për shkak të dëmtimit, duke lënë Breel Embolon si sulmuesin e vetëm në formacion.

Te Kolumbia, Camilo Vargas është portieri titullar i padiskutueshëm në këtë Kupë Bote dhe mbrohet nga katërshja Daniel Muñoz, Davinson Sánchez, Jhon Lucumí dhe Johan Mojica.

Jefferson Lerma është para mbrojtjes në mesfushë, me Jhon Arias dhe Gustavo Puerta në krahët e tij, ndërsa ylli i Bayern Munichut, Luis Díaz, është lojtari më i rrezikshëm në krahun e majtë.

Luis Suárez pritet të udhëheqë sulmin në mungesë të Córdobas, ndërsa James Rodríguez, ish-mesfushori i Real Madridit dhe Evertonit, do të ketë një rol të lirë nga krahu i djathtë, duke lëvizur shpesh drejt qendrës me këmbën e tij të majtë.

Formacionet zyrtare:

Zvicra: Kobel; Elvedi, Akanji, Rodriguez, Zakaria; Freuler, Xhaka, Jashari; Rieder, Embolo, Ndoye.

Rezervat: Mvogo, Keller, Muheim, Widmer, Coemert, Amenda, Sow, Fassnacht, Vargas, Okafor, Amdouni, Itten.

Mungesa për shkak dëmtimi: Manzambi, Jaquez, Aebischer.

Kolumbia: Vargas; Muñoz, Lucumí, Puerta, Mojica; Sánchez, Rodríguez, J. Arias, Lerma, Díaz; Suárez.

Rezervat: Ospina, Montero, S. Arias, Mina, Ditta, Machado, Castaño, Ríos, Carrascal, Portilla, Quintero, Córdoba, Hernández, Campaz.