U martuan pas një historie dashurie, por dhëndri e braktisi vetëm një ditë pas dasmës

Një histori e pazakontë martese ka bërë bujë në rrjetet sociale, pasi një burrë vendosi t’i japë fund lidhjes vetëm disa orë pasi i kishte dhënë betimet bashkëshortes së tij.

Rrëfimi është publikuar nga kushërira e nuses në platformën Reddit, e cila tregoi se çifti ishte njohur që në kolegj dhe për shumë njerëz dukej si një histori perfekte dashurie.

Sipas saj, dasma ishte madhështore, me qindra të ftuar, ndërsa familjet e çiftit ishin të afërta dhe të bindura se ata do të kishin një jetë të lumtur së bashku.

Por gjithçka ndryshoi gjatë udhëtimit për muajin e mjaltit. Teksa çifti ishte në avion, dhëndri dyshohet se i tha nuses vetëm disa orë pas martesës: “Ky ishte një gabim”.