Izraeli paralajmëron prani ushtarake afatgjatë në Liban, nuk përjashtohet as Gaza dhe Siria

Ministri izraelit i Mbrojtjes, Israel Katz, deklaroi se ushtria izraelite (IDF) do të qëndrojë për një kohë të pacaktuar në territoret që kontrollon në jug të Libanit, Rripin e Gazës dhe Siri. Gjatë një vizite në pozicionet ushtarake izraelite në jug të Libanit, Katz tha se Izraeli nuk do të tërhiqet në asnjë rrethanë nga këto zona, të cilat qeveria izraelite i konsideron si zona sigurie.

Sipas ministrit, prania ushtarake në këto territore është pjesë e strategjisë së sigurisë së Izraelit në tre fronte. Izraeli kontrollon zona në jug të Libanit dhe pjesë të mëdha të Rripit të Gazës, ndërsa në Siri ka marrë nën kontroll disa pozicione strategjike, përfshirë zona pranë malit Hermon.

Sipas raportimeve nga mediat e huaja, deklaratat e Katz sinjalizojnë se Izraeli nuk e konsideron tërheqjen e trupave nga këto zona si pjesë të strategjisë së tij aktuale.