Gostivar: 34-vjeçari rrahu nënën dhe i mori paratë e çelësat e veturës, ngrihet kallëzim penal

Gostivar – Zyra e Jashtme për Çështje Kriminalistike Gostivar ka ngritur kallëzim penal ndaj H.S. (34) nga rrethina e Gostivarit për veprën penale “lëndim trupor”.

Sipas policisë, më 31 korrik 2026, në shtëpinë familjare, ai ka sulmuar fizikisht nënën e tij, ndërsa më pas i ka marrë nga çanta të holla dhe çelësat e automjetit.

Rasti është dokumentuar dhe ndaj tij është iniciuar procedurë penale.