Trazirë në kazino në Shkup, disa persona përfundojnë në spital pas aktivizimit të aparateve zjarrfikëse

Një incident është regjistruar në një kazino në zonën e Kisella Vodës në Shkup, ku dy persona kanë shkaktuar panik mes mysafirëve.

Sipas policisë, njëri prej tyre ka hedhur një telefon celular në drejtim të një gruaje, pa e goditur, ndërsa të dy kanë dëmtuar inventarin dhe kanë aktivizuar aparatet zjarrfikëse.

Si pasojë e pluhurit nga aparatet zjarrfikëse, disa mysafirë dhe punonjës kanë pasur probleme me frymëmarrjen dhe janë dërguar në Kompleksin Klinik “Nënë Tereza” për ndihmë mjekësore.

Policia po punon për identifikimin dhe zbardhjen e plotë të rastit, raporton Tetovasot.