SEDLOSKI: DO TË KEMI DEBUTUES DHE FRESKI NË SULM – SHKOJMË PËR TRE PIKËT!

Selektori i Maqedonisë, Goce Sedloski në konferencën për media në Lubjanë foli për përgatitjet para duelit Slloveni – Maqedoni në Ligën e Kombeve.

Sedloski zbuloi se ndaj Sllovenisë priten debutues të rinj dhe freski në repartin ofensiv duke theksuar se skuadra duhet të jetë e përgatitur maksimalisht për të kërkuar tre pikët.

🗣️ Goce Sedloski:
“Duhet patjetër të tentojmë t’i fitojmë tre pikët. Ajo që ndodhi në ndeshjen me Zvicrën nuk duhet të përsëritet. E kemi analizuar shumë mirë kundërshtarin dhe shpresojmë në një rezultat pozitiv.”

🧤 Dimitrievski: Njohim mirë lojtarët e Sllovenisë

Portieri Stole Dimitrievski u shpreh optimist para përballjes, duke theksuar se i njeh shumë mirë futbollistët sllovenë, ndërsa veçoi edhe portierin Jan Oblak, me të cilin garon në të njëjtën ligë në Spanjë.

🗣️ Stole Dimitrievski:
“Njohim shumë mirë lojtarët e Sllovenisë. Edhe Oblakun e njoh, pasi luajmë në të njëjtën ligë në Spanjë. Jemi optimistë dhe besojmë se mund të marrim një tjetër fitore.”