Klopp e befason yllin e Bayernit me një ‘mesazh’: Askush s’e ka të sigurt vendin startues

Përzgjedhësi i Gjermanisë, Jürgen Klopp, ka konfirmuar se Alexander Pavlovic dhe Jonas Urbig do të jenë titullarë nesër, të dielën, ndaj Greqisë, në xhiron e katërt të Ligës së Kombeve të UEFA-s.

Uebfaqja “Bulinews” ka publikuar deklaratat e Kloppit nga konferenca për shtyp, ku ai tha me të qeshur: “I thashë Pavlovicit pak para konferencës për shtyp se nuk mund të fliste në një mënyrë që do ta linte jashtë formacionit titullar”.

“Për momentin, duket se nesër nuk do të bëjmë ndryshim në pozitën e portierit, por kush e di se çfarë do të vendosim”, shtoi ai.

Duke shpjeguar zgjedhjen e tij mes shtyllave, Klopp tha: “Portierët e tjerë që kanë luajtur me ne janë aktivë rregullisht me klubet e tyre, ndërsa Urbig nuk luan rregullisht për Bayern Munichun, prandaj do ta ketë mundësinë të luajë në këtë ndeshje”.

“Kështu e kishim planifikuar. Por të gjithë lanë përshtypje të shkëlqyer. Dhe nuk do të ketë asnjë problem në këtë pozitë”, tha ai.

Kështu, Urbig do ta ruajë vendin mes shtyllave, pavarësisht spekulimeve se Finn Dahmen i Augsburgut mund të merrte mundësinë për të debutuar me kombëtaren e Gjermanisë.

I pyetur për debatin nëse Joshua Kimmich nuk konsiderohet më lojtar i pazëvendësueshëm për Gjermaninë, Klopp u përgjigj: “Ai zhvilloi një ndeshje të mirë kundër Serbisë. Por pse duhet që një lojtar të luajë gjithmonë edhe në të ardhmen?”.

“Duhet të jesh gjithashtu në formë të mirë për të luajtur. Nuk do të luaje as për klubin tënd nëse nuk do të ishe në formën më të mirë. Na duhen lojtarë të llojeve të ndryshme”, shtoi ai.

Në fund, ai tha: “Na duhen liderë dhe lojtarë të aftë për të mbuluar zona të mëdha të fushës, dhe na duhen të gjitha llojet e lojtarëve. Fatmirësisht, kemi më shumë se tre lojtarë të mirë në mesfushë”.