Qeveria miratoi Propozimin për ndryshim dhe plotësim të Buxhetit për vitin 2026

Qeveria sot në mbledhje shqyrtoi dhe miratoi Propozimin për ndryshim dhe plotësim të Buxhetit për vitin 2026.

Me ndryshimet e propozuara bëhet përshtatja e të ardhurave dhe shpenzimeve të Buxhetit, si rezultat i ndikimit fiskal të masave që ndërmori Qeveria për mbështetjen e qytetarëve dhe bizneseve, përmes uljes së akcizës dhe TVSH-së për karburantet.

Me ndryshimet e propozuara, të ardhurat e përgjithshme parashikohen në nivelin prej 374,2 miliardë denarësh, ndërsa shpenzimet parashikohen në 420,5 miliardë denarë, me ç’rast deficiti buxhetor mbetet në nivel të pandryshuar.

Qëllimi i ndryshimeve të propozuara është të ruhet stabiliteti i financave publike, të sigurohet funksionimi i pandërprerë dhe i rregullt i institucioneve, realizimi i programeve të parashikuara dhe përmbushja në kohë e të gjitha detyrimeve.

Propozimi për ndryshim dhe plotësim të Buxhetit do t’i dorëzohet Kuvendit për shqyrtim dhe miratim të mëtejshëm.