Milani po bëhet me drejtor sportiv të ri, cilat janë nënshkrimet e tij më të mira?

Publikuar 21:42 19 Tetor, 2026

Sipas raportimeve të së hënës, Milani është pranë arritjes së një marrëveshjeje me Markus Kröschen, i cili pritet të marrë detyrën e shefit të futbollit në klub.

Por, kush është drejtuesi 45-vjeçar dhe cilat janë transferimet më të spikatura që ka realizuar deri më tani?

Krösche është ish-mesfushor defensiv, i cili kaloi nëpër ekipet e të rinjve dhe atë rezervë të Werder Bremenit, përpara se t’i bashkohej SC Paderbornit në vitin 2001, ku do të kalonte pjesën e mbetur të karrierës si futbollist.

Me 356 paraqitje në kampionat për skuadrën gjermane, ai mban rekordin e klubit për numrin më të madh të ndeshjeve të zhvilluara.

Pas pensionimit nga futbolli në vitin 2014, Krösche qëndroi për një periudhë të shkurtër në krye të SC Paderborn II, ekipit rezervë të klubit, përpara se të bëhej ndihmës i trajnerit Roger Schmidt te Bayer Leverkuseni, nga viti 2015 deri më 2017.

Krösche u largua nga Leverkuseni pasi Schmidt u shkarkua drejt fundit të sezonit 2016/17 dhe vendosi të kthehej te Paderborni, këtë herë në rolin e drejtorit menaxhues.

Gjatë periudhës së tij në krye të Paderbornit, Krösche mbikëqyri dy ngjitje radhazi në kategori, nga liga e tretë e futbollit gjerman deri në elitë.

Kjo ishte vetëm hera e dytë në historinë e klubit që skuadra arrinte të luante në Bundesligë.

Ky sukses i mundësoi Krösches kalimin te RB Leipzig, ku mori detyrën e drejtorit sportiv dhe qëndroi për dy sezone, nga viti 2019 deri më 2021.

Që nga viti 2021, ai është pjesë e Eintracht Frankfurtit, me të cilin ka kontratë deri në vitin 2028. Aktualisht, është anëtar i bordit drejtues të klubit, me titullin “anëtar i bordit për sport”.

Gjatë periudhës së tij te Leipzigu dhe Frankfurti, Krösche ka mbikëqyrur transferimin e një numri futbollistësh të njohur, mes tyre Dani Olmo, Josko Gvardiol, Randal Kolo Muani dhe Hugo Ekitike.

Më poshtë është lista e disa prej transferimeve të tij më të spikatura dhe më fitimprurëse deri më tani:

Ademola Lookman: Everton → RB Leipzig (18 milionë euro)

Christopher Nkunku: PSG → RB Leipzig (19.5 milionë euro, më pas u shit te Chelsea për 60 milionë euro)

Dani Olmo: Dinamo Zagreb → RB Leipzig (34 milionë euro, më pas u shit te Barcelona për 61 milionë euro)

Josko Gvardiol: Dinamo Zagreb → RB Leipzig (36 milionë euro, më pas u shit te Manchester City për 90 milionë euro)

Lazar Samardzic: Hertha BSC → RB Leipzig (500 mijë euro)

Josep Martinez: Las Palmas → RB Leipzig (2.5 milionë euro)

Randal Kolo Muani: FC Nantes → Eintracht Frankfurt (transferim i lirë, më pas u shit te PSG për 95 milionë euro)

Mario Götze: PSV → Eintracht Frankfurt (4.5 milionë euro)

Omar Marmoush: Wolfsburg → Eintracht Frankfurt (transferim i lirë, më pas u shit te Manchester City për 75 milionë euro)

Willian Pacho: Royal Antwerp → Eintracht Frankfurt (13.5 milionë euro, më pas u shit te PSG për 40 milionë euro)

Nathaniel Brown: 1. FC Nuremberg → Eintracht Frankfurt (5.5 milionë euro)

Hugo Ekitike: PSG → Eintracht Frankfurt (31.5 milionë euro, më pas u shit te Liverpooli për 95 milionë euro)