Skandal në kufirin me Serbinë: Gazetarëve nga Maqedonia u mbahen pasaportat për 2 orë e gjysmë

Ekipet gazetareske nga Maqedonia e Veriut, që udhëtonin drejt Beogradit për të raportuar për zgjedhjet parlamentare në Serbi, janë ndaluar në kufi për rreth dy deri në dy orë e gjysmë, ndërsa u janë mbajtur pasaportat.

Gazetari Aleksandar Spasovski nga televizioni Sitel bëri të ditur se ndalimi përfshiu ekipin e tij dhe gazetarë të tjerë nga Maqedonia e Veriut.

Pas pritjes, atyre iu lejua hyrja në Serbi, por arritën në Beograd vetëm 15 deri në 20 minuta para raportimit të drejtpërdrejtë.

Deri më tani nuk është bërë e ditur arsyeja zyrtare e ndalimit dhe as pika kufitare ku ndodhi incidenti.