Mickoski me propozim për studentët: Shujta studentore në vend të 3.500 denarëve të vlejë 4.500 denarë përmes aplikacionit të ri M-Shërbime

Kryetari i Qeverisë, Hristijan Mickoski, zbuloi se dje për herë të parë është mbajtur një takim i kryeministrit, ministrit të arsimit dhe përfaqësuesve të qeverisë me përfaqësues të parlamenteve studentore të të gjitha universiteteve në shtet, në të cilin është diskutuar hapur për standardin studentor dhe për problemet.

Me këtë rast, nga ana e kryeministrit është dhënë një propozim lidhur me shujtën studentore, për të cilin studentët në një takim të ri do të përgjigjen ndaj asaj që u është ofruar.

-Kemi ndjenjën, por edhe informacione të pjesshme se një pjesë e madhe e shfrytëzuesve të shujtës studentore, mjetet që i marrin në kartelat debitore nuk i përdorin pikërisht për shujtë studentore, por i përdorin për diçka tjetër.

Pas promovimit të shërbimeve të reja, M-Shërbime, dolëm me një propozim së bashku me ministren: në vend të kartelave dhe 3,5 mijë denarëve aktualë në muaj, meqë studentët marrin nga 140 denarë për 6 ditë në javë, dhe kjo është pothuajse tre mijë e pesëqind denarë në muaj, hajde që në këtë aplikacion M-Shërbime të shtojmë M-Shujtë Studentore, me të cilën 3,5 mijë denarët tuaj që tani i merrni do të vlejnë 4,5 mijë denarë.

Dhe me këtë rast ne, duke e përdorur atë aplikacion, të sigurojmë një listë restorantesh, marketesh, restorantesh qumështi etj., ku ju vërtet do të mund të blini ushqim duke e përdorur atë aplikacion, sepse bëhet fjalë për shujtë studentore.

Që të mos shpenzohen për alkol, për cigare ose për disa sjellje të tjera devijante, e shpjegoi kryeministri Mickoski propozimin për studentët.

Zbritja e siguruar, sipas kryeministrit, nuk do të vlente vetëm për këto para, por në përgjithësi deri në fund të muajit.

-Pasi ta keni shpenzuar atë shujtë studentore, ajo përsëri do t’ju vlejë deri në fund të muajit, nëse ndonjë restorant, nëse sigurojmë 20-25% zbritje, dhe ju i keni shfrytëzuar paratë për shujtën tuaj studentore deri më datë 15 të muajit, por më pas edhe më datë 20 me kolegët tuaj uleni përsëri për mëngjes, ju do ta paguani, por në vend të, të themi, 100 denarëve, do të përfitoni zbritje prej 25%, dhe do të paguani 75 denarë.

Do të ketë inteligjencë artificiale të integruar, ne jemi pro-qendrave të të dhënave, pro-rrjedhave moderne botërore, nuk jemi kundër, dëgjuam se ka edhe të tillë që janë kundër, kështu që me atë inteligjencë artificiale që do të jetë e integruar në atë aplikacion nuk do të mundet që ato para të përfundojnë diku tjetër, ndërsa ne si qeveri do të kemi marrëdhënie me tregtarët që jua shesin ato produkte.

Që paratë të mos përfundojnë për diçka për të cilën nuk duhet të përfundojnë, e njëkohësisht ju të merrni rritje, nëse tani janë tre mijë e pesëqind, ato të vlejnë katër mijë, shpjegoi Mickoski duke shtuar në përgjigjen ndaj pyetjeve të deputetëve për standardin studentor se i pret përfaqësuesit e parlamenteve studentore me një përgjigje që të fillohet procedura për t’u përgatitur gjithçka.

Kryetari i Qeverisë, tha se me studentët janë pajtuar se po punohet për ngritjen e standardit edhe me ndërtimin e kampusit të Universitetit Nënë Tereza, si dhe me ndërtimet dhe rikonstruktimet e konvikteve studentore.

Kryeministri me këtë rast zbuloi gjithashtu se me përfaqësuesit e studentëve nga të gjitha universitetet në Maqedoni janë pajtuar se krahasuar me vitin 2022, tani në vitin 2026 standardi studentor është përmirësuar dy herë, përkatësisht dy me një, se standardi po përmirësohet me faktin se janë pajtuar që Universiteti Nënë Tereza po ndërtohet me ritëm të përshpejtuar, se po rikonstruktohen edhe konviktet studentore me kushte siç kanë studentët evropianë, se po kompensohet gjithçka që qeveria e kaluar nuk e bëri, ndërsa premtohej edhe qytet studentor, se ndoshta edhe sot studentët në Gjermani ende kanë standard më të mirë, por se ajo diferencë është zvogëluar dhe se ky është thelbi.

Por, nga ana tjetër, në takimin me përfaqësuesit e studentëve është theksuar edhe se para 20 vjetësh USHKM ishte i renditur më mirë se sot në Listën e Shangait, zbuloi Mickoski, i cili i ka ftuar studentët që të punohet së bashku, të rikthehen në ato pozita, me ç’rast studentët do të fitojnë më shumë njohuri, ndërsa kjo do të sjellë imazh shtesë edhe për vetë shtetin, theksoi Mickoski në përgjigje të një pyetjeje të deputetëve në Kuvend.