Mickoski: Projekt i ri infrastrukturor në Gazi Babë përmes programit qeveritar për mbështetjen e komunave

„Mirëdita edhe nga unë. Jam jashtëzakonisht i kënaqur që mund të marr pjesë në fillimin e një projekti tjetër, i cili financohet nga programi që e kishim nga Qeveria për decentralizimin e mjeteve nga buxheti qendror drejt komunave. Është e rëndësishme që me këtë projekt, pothuajse i gjithë ky vendbanim do të pajiset me kanalizim, ashtu siç duhet të ketë në shekullin 21 dhe jam vërtet i lumtur që mund të fillojmë së bashku me kryetarët e komunave projekte të këtij lloji, të cilat përmirësojnë cilësinë e jetës së njerëzve, dhe t’i vëmë ato në përdorim së bashku me qytetarët.

Do të doja ta shfrytëzoja këtë rast për ta përgëzuar kryetarin e komunës për punën e përkushtuar që po bën këtu, në Komunën e Gazi Babës, t’u shpreh mirënjohje këshilltarëve për mbështetjen që i japin punës së tij, si dhe punonjësve të komunës, të cilët përgatisin dokumentacionin e nevojshëm për realizimin e projekteve të këtij lloji. Gjithashtu, dëshiroj t’i falënderoj deputetët e Kuvendit të Maqedonisë, të cilët angazhohen për një projekt më shumë për Komunën e Gazi Babës.

Është mirë që kryetarët e komunave tashmë po mendojnë dhe po projektojnë projekte të reja për thirrjen e ardhshme, e cila pritet të jetë diku në gjysmën e dytë të vitit të ardhshëm, në mënyrë që edhe përmes asaj thirrjeje të mund gradualisht të realizojmë projekte.

Kështu që dëshiroj edhe një herë, nga këtu, ta përshëndes realizimin e projekteve të tilla dhe të uroj që në periudhën në vijim të realizojmë edhe shumë projekte të tjera të këtij lloji, sepse ky është thelbi i punës së një qeverie dhe të një vetëqeverisjeje lokale: të realizojnë projekte për qytetarët, brenda mundësive të tyre, e ndonjëherë edhe përtej tyre, ashtu siç po veprojmë edhe ne, duke shfrytëzuar mundësitë që kemi për të realizuar projekte në shërbim të qytetarëve.

Edhe një herë, ju falënderoj dhe shpreh mirënjohjen time për mediat që na ndiqni në të gjitha këto iniciativa.“