Partitë opozitare izraelite po negociojnë për formimin e qeverisë – është e pasigurt se si do t’ia marin pushtetin Netanjahut

Liderët e katër partive kryesore opozitare në Izrael u takuan dhe lëshuan një deklaratë të përbashkët, në të cilën theksojnë se janë të bashkuar dhe se do të veprojnë menjëherë për të zëvendësuar qeverinë e kryeministrit Benjamin Netanjahu me një qeveri emergjente kombëtare.

Në deklaratë thuhet se ata do të punojnë për të krijuar një shumicë të qartë parlamentare në Kneset dhe për të formuar sa më shpejt të jetë e mundur qeverinë e 38-të të Izraelit. Liderët ranë dakord për nevojën e formimit të një qeverie sioniste, bazuar në katër parime të paraqitura nga Gadi Ajzenkot (lideri i partisë “Jashar”).

Në takimin e mbajtur në Herzlija (në veri të Tel Avivit) morën pjesë:

– Gadi Ajzenkot (Jashar),
– Naftali Benet dhe Jair Lapid (BeJahad),
– Avigdor Liberman (Israel Bejtenu),
– Jair Golan (Demokratët).

Ata njoftuan se ekipet negociuese do të fillojnë menjëherë punën për udhëzimet programore dhe marrëveshjet e koalicionit të nevojshme për formimin e qeverisë së re. Do të mbajnë koordinim të ngushtë dhe të vazhdueshëm derisa qeveria e re të betohet.

Megjithatë, mbetet e pasigurt se si saktësisht do të arrijnë të heqin pushtetin nga Netanjahu, pasi asnjë nga blloqet kryesore nuk ka shumicën e nevojshme prej 61 mandateve në Knesetin me 120 vende. Bloku i Netanjahut ka rreth 53–54 mandate, bloku opozitar rreth 48, ndërsa partitë arabe kanë rreth 19 mandate dhe mund të jenë vendimtare.