Kryeministri i Shqipërisë, Edi Rama, ka uruar 22 Nëntorin, Ditën e Alfabetit të Gjuhës Shqipe, duke rikujtuar rëndësinë historike të Kongresit të Manastirit, 118 vjet më parë.

Në mesazhin e tij, Rama thekson se vendimi për një alfabet të përbashkët ishte një hap vendimtar për identitetin kombëtar shqiptar.

Ai rikujton se nga 14 deri më 22 nëntor të vitit 1908, delegatë nga të gjitha trevat shqiptare, me bindje dhe besime të ndryshme, u bashkuan rreth idealit të një alfabeti të përbashkët.

Rama ka publikuar edhe pamje të krijuara përmes teknologjisë, të frymëzuara nga fotografia historike e Kongresit të Manastirit.

“Gjuha është identiteti ynë. Ta ruajmë, ta kultivojmë dhe t’ua përcjellim fëmijëve tanë me krenari”, thuhet në mesazhin e kryeministrit Rama.

Ai e përmbyll urimin me fjalët: “Gëzuar Ditën e Alfabetit Shqip!”

Ne përdorim cookies për të përmirësuar përvojën tuaj dhe për të analizuar trafikun në faqe. Duke vazhduar përdorimin e faqes, ju pranoni përdorimin e cookies sipas Politikës së Privatësisë. Pranoj Me shume