Një pamje e pazakontë ka habitur përdoruesit e rrjeteve sociale në Estoni, ku një dre është filmuar me një bri që i rritet në mes të ballit, duke i dhënë pamjen e një njëbrirëshi.
Pamjet u regjistruan nga një kamerë monitorimi në ishullin Saaremaa dhe u publikuan nga organizata Lutreola Foundation, e cila e shoqëroi videon me mbishkrimin humoristik: “U gjet një njëbrirësh!”.
Ekspertët ende nuk kanë përcaktuar se çfarë është saktësisht kjo rritje e pazakontë në kokën e kafshës. Videoja është bërë virale dhe ka ngjallur kureshtje të madhe në rrjetet sociale.