Gir: Hendeku politik po thellohet dhe për këtë arsye reformat e nevojshme mbeten prapa

Ka përparim, ndjehet se gjërat po ecin përpara, veçanërisht lidhur me miratimin e ndryshimeve kushtetuese në përputhje me obligimet e marra dypalëshe me Marrëveshjen ndërmjet shtetit dhe Bullgarisë, por fatkeqësisht edhe krahas përpjekjeve politike të të dyja palëve për të ardhmen e Maqedonisë së Veriut në Bashkimin Evropian, ende nuk ka rend dite të përbashkët për reformat e nevojshme. Hendeku politik po thellohet dhe reformat e nevojshme po mbeten prapa, vlerësoi ambasadori evropian Dejvid Gir në takimin e sotëm të Komitetit të Përzier Parlamentar në Kuvendin e Maqedonisë së Veriut.

Giri theksoi se edhe pse sundimi i së drejtës dhe lufta kundër korrupsionit janë vendimtare dhe thelbësore në procesin e zgjerimit të BE-së, megjithatë në shtet në këto fusha, siç tha, ka një numër të madh shqetësimesh të cilat thellohen në muajt e fundit.

“Është e rëndësishme të adresohen mangësitë në zbatimin e ligjeve përkatëse me çfarë sigurohet pavarësia dhe integriteti i gjykatësve. Këto çështje së fundmi janë shfaqur përmes gjendjes në Këshillin Gjyqësor, organ përgjegjës për mbrojtjen dhe promovimin e këtyre parimeve. Politikanët dhe partitë politike duhet t’i refuzojnë të gjitha përpjekjet për kapjen e institucioneve, ndërsa Këshilli Gjyqësor dhe gjyqësori kanë përgjegjësitë dhe detyrimet e tyre. Pensionimi i gjykatësve gjithashtu ndikon, kështu është prioritet fuqizimi i resurseve njerëzore si në gjyqësi, ashtu edhe në prokurori. Procesi i zgjedhjes së dy gjykatësve në Gjykatën Kushtetuese dhe dy anëtarëve në Këshillin e Prokurorëve zgjat shumë dhe duhet sa më shpejt të përmbyllet në bazë të parimit të meritokracisë”, tha Giri.

Përkujtoi edhe se flamuri evropian dhe procedurat e përshpejtuara për ligjet duhet të kufizohen në masë të madhe. Njëherësh bëri thirrje për përfshirje maksimale të opinionit në marrjen e vendimeve në Kuvend.

I përshëndeti vlerësimet pozitive për vendin nga “Reporterët pa Kufij”, por theksoi se gazetarët duhet të mbrohen nga gjuha e urrejtjes.

Sekretarja shtetërore në Sekretariatin për Çështje Evropiane, Drita Abdiu Halili, tha se i presin raportet e skriningut sa më shpejt të jetë e mundur, në mënyrë që, siç theksoi, të ruhet fokusi dhe motivimi për reforma edhe në administratë edhe në shoqëri në tërësi.

“Raporti i skriningut për vlerat fundamentale është baza për përgatitjen e tre udhërrëfyesve – udhërrëfyesi për sundimin e së drejtës me planin e pakicave për pakicat, udhërrëfyesi për reformë të administratës publike, të dy si pikë referimi për hapjen e klasterit tema, si dhe udhërrëfyesin për funksionimin e institucioneve demokratike duke përfshirë dhe thellimin e dialogut rreth menaxhimit ekonomik dhe përmbushjes së kritereve evropiane”, tha ajo.

Ambasadorja e Mbretërisë së Suedisë, Ejmi Larson Xhein e përshëndeti harmonizimin shtetit me politikën e jashtme dhe të sigurisë të BE-së, të cilën e vlerësoi si shenjë të fortë të përkushtimit strategjik të vendit për anëtarësim në Bashkimin Evropian.