VIDEO Skandal/ Vuçiq si e porosit gazetaren t’ia bëj pyetjen për Maqedoninë

Kanali serb në YouTube “Kryengritja Ekologjike” publikoi një audio incizim të vitit 2017, në të cilin dëgjohet qartë Aleksandar Vuçiq duke i thënë gazetares Branka Gjukiç, ish-drejtoreshë e Tanjug dhe këshilltare aktuale e presidentit, se çfarë pyetje t’i bëjë atij, përcjell INA.

Pyetja e porositur e Vuçiqit i referohet zhvillimeve të marsit të vitit 2017 në Maqedoninë, kur kishte protesta dhe trazira të dhunshme që organizoheshin nga pushteti dhe përkrahësit e ish-kryeministrit Nikolla Gruevski.

Vuçiq dëgjohet duke mësuar gazetaren si ta bëj pyetjen dhe si ti drejtohet, duke i kërkuar disa herë ta përsëris. Vuçiq atëkohë përkrahte fuqishëm Gruevskin dhe Qeverinë e tij.