Aksident i rëndë mes katër veturave, 2 viktima dhe 3 të plagosur

Dy persona humbën jetën teksa 3 të tjerë mbetën të plagosur rëndë në një aksident që ndodhi…

Dy persona humbën jetën teksa 3 të tjerë mbetën të plagosur rëndë në një aksident që ndodhi, mëngjesin e së enjtes, në Rosoman. Aksidenti u regjistrua në aksin Prilep-Gradsko dhe në të u përfshinë 4 automjete.

Në vendngjarje shkoi menjëherë policia dhe forcat zjarrfikëse, të cilat bënë të mundur nxjerrjen nga mjetet të viktimave dhe të plagosurve.

“Në vendin e ngjarjes menjëherë pas denoncimit për një aksident në afërsi të Rosomanit ka dalë ndihma urgjencës me tri ekipe. Përfshihen edhe punëtorët që nuk ishin në turn, të cilët ishin të gatshëm të ndihmonin në çdo moment”, deklaroi shefi i urgjencës Grkov.