Skandali në Onkologji, Taravari: Turp të thuash se je mjek!

Kryetari i Aleancës për Shqiptarët, Arben Taravari, thotë se për skandalin në Klinikën e Onkologjisë në Shkup patjetër duhet të ketë përgjegjësi. Në një prononcim për gazetën LAJM, Taravari tha se pas informacioneve për keqpërdorimin e terapisë së personave të sëmurë me kancer në Klinikën e Onkologjisë, i vjen turp të tregojë se është mjek.

Është rrënqethëse. Të vije turp të thuash se jem mjek. Se e bëjnë kolegët e mi një veprim të tillë, thjeshtë është e pasqarueshme dhe mendoj se patjetër duhet të ketë përgjegjësi. E përgëzoj ministrin që ka marrë iniciativë që me çdo kusht të zgjidhet ky skandal i cili e dridh tërë shtetin dhe sigurisht që zgjat me vite”, tha mes tjerash Taravari.