Kuvendi emëron dy ministra të rinj; Ilir Demiri ministër i Shëndetësisë dhe Naim Bajrami ministër për Shoqëri Informatike dhe Administratë

Kuvendi sot pasdite në kuadër të seancës së 143-të zgjodhi Ilir Demirin dhe Naim Bajramin për ministra të Shëndetësisë dhe Shoqërisë Informative dhe Administratës në vend të bashkëpartiakëve Fatmir Mexhitit dhe Azir Aliut të cilët u shkarkuan të premten me propozim të Kryeministri teknik Talat Xhaferi.

Edhe Demiri edhe Bajrami u zgjodhën me 63 vota pro, asnjë kundër dhe asnjë abstenim. Pas zgjedhjeve ata dhanë deklarata solemne.