Për sigurinë e fëmijëve në komunikacion

PËR SIGURINË E FËMIJËVE NË KOMUNIKACION

Fëmijët janë e ardhmja jonë dhe kujdesi për sigurinë e tyre është gjithmonë në vend të parë. Këshilli Republikan për Siguri në Komunikacionin Rrugor në vazhdimësi zbaton aktivitete për rritjen e sigurisë së fëmijëve në komunikacion dhe rikujton se edhe fëmijët janë pjesëmarrës të barabartë në komunikacionin rrugor. Pikërisht për këtë është e domosdoshme që fëmijët t’i njohin dhe t’i respektojnë shenjat e komunikacionit, sinjalizimin e dritës dhe rregullat e komunikacionit.
Gjysmëvjetori i dytë i vitit shkollor është në zhvillim e sipër dhe numri i fëmijëve pranë shkollave është rritur. Për këtë arsye KRSKRR-ja u bën thirrje fëmijëve:
• kaloni rrugën vetëm në vendkalimin e shënuar të këmbësorëve,
• bëni kontakt me sy me shoferët e automjeteve që vijnë përballë jush për t’u siguruar që jeni vënë re,
• prisni derisa të kalojnë të gjitha automjetet përpara se të filloni të kaloni rrugën,
• mos dilni në rrugë derisa automjetet të ndalojnë,
• kur kaloni në vendkalimin e këmbësorëve, mos përdorni telefon celular ose kufje.

Në të njëjtën kohë, KRSKRR-ja u rekomandon shoferëve:
• jini veçanërisht të kujdesshëm pranë institucioneve edukativo-arsimore, këndeve të lojërave për fëmijë dhe parqeve,
• zvogëloni shpejtësinë e automjetit përpara vendkalimit të këmbësorëve ose udhëkryqit,
• jini gjithmonë gati për të ndaluar automjetin kur i afroheni vendkalimit të këmbësorëve ose udhëkryqit,
• kur ndaloni, ndaloni automjetin larg vendkalimit të këmbësorëve për t’u mundësuar edhe shoferëve të tjerë që t’i shohin qartë fëmijët që kalojnë në vendkalimin e këmbësorëve, që të mund edhe ata t’i ndalojnë automjetet e tyre në kohë.

Jini pjesëmarrës të përgjegjshëm në komunikacion. Le të kontribuojmë së bashku për SIGURI MË TË MADHE TË FËMIJËVE NË KOMUNIKACION.