Shkurtimi i buxhetit për shqiptarët në Luginë, Bislimi: Kështu duket pakica më e diskriminuar në Evropë

Zëvendëskryeministri Besnik Bislimi ka thënë se Bashkimi Evropian ende nuk e sheh si akt të njëanshëm të Serbisë shkurtimin e buxhetit për Këshillin Kombëtar Shqiptar për vitin 2024 për mbi 1 milion dinarë.

Ai ka thënë se Kosova e denoncon padrejtësinë e Serbisë që po bëhet ndaj shqiptarëve në Luginë të Preshevës.

“Kështu duket pakica më e diskriminuar në Evropë. Spastrimi etnik përmes mjeteve administrative tani ndiqet përmes shkurtimeve buxhetore për Këshillin Kombëtar Shqiptar. Por ndoshta BE-ja ende nuk e sheh këtë si një akt të njëanshëm të Serbisë”.

“Prandaj, nuk ka nevojë për përshtatje dhe asnjë shqetësim për implikimet për popullatën shqiptare. Kosova denoncon padrejtësinë e Serbisë ndaj shqiptarëve në Luginën e Preshevës. Ne qëndrojmë të fortë dhe të vendosur për të luftuar për barazi dhe trajtim të drejtë”, ka shkruar Bislimi në platformën X.