Pendarovski, tubim me qytetarët e Tetovës

“Nëse nuk i kushtojmë rëndësi edhe njërës edhe tjetrës, vendi nuk do të përparojë, Së pari janë integrimet euroatlantike, dhe të dytën po e apostrofoj qëllimisht sepse jam këtu në Tetovë.

Është bashkëjetesa ndëretnike. Ne kemi traditë të shkëlqyer historike të bashkëjetesës ndëretnike me Marrëveshjen Kornizë. Ajo u zyrtarizua dhe u bë pjesë e Kushtetutës sonë.

Praktika aktuale tregon se marrëdhëniet ndërkombëtare në 6- vitet e fundit janë në një nivel shumë më të lartë se 11 vjet e regjimit të mëparshëm.

Pse, sepse nuk shihni se të rinjtë rrihen në transportin publik, nuk shihni zënka se a do të ketë kishë apo xhami në Kalanë e Shkupit, thjesht, pajtohemi mes vete, e respektojmë njëri-tjetrin me përjashtime të caktuara, por këto janë raste individuale në nivel sistemi. Sot, në sferën e marrëdhënieve ndëretnike, Maqedonia është më e qëndrueshme që nga viti 1991e deri me sot”, tha Stevo Pendarovski, kandidat për president.