Ashpërsimi i politikës së emigracionit/ Parlamenti gjerman refuzon projektligjin e opozitës

Parlamenti gjerman refuzoi të premten projektligjin e opozitës për të ashpërsuar politikën e emigracionit, pas një propozimi të ngjashëm që u miratua të mërkurën. Ky propozim i opozitës, i cili nuk ishte i detyrueshëm, mori mbështetje nga ligjvënësit e Alternativës për Gjermaninë (AfD), një parti e njohur për pozitat e saj ekstreme të djathta.

Miratimi i këtij propozimi shkaktoi një valë protestash nga qyteratët, politikanët dhe madje disa anëtarë të partisë së liderit të opozitës, Friedrich Merz, për shkeljen e një marrëveshjeje që ndalon bashkëpunimin me grupet e djathta ekstreme.

Lideri i opozitës, Friedrich Merz, e mbrojti ligjin si një përgjigje të nevojshme ndaj një serie vrasjesh në hapësira publike, të kryera nga emigrantë. Ai theksoi se ky ligj ishte një masë e domosdoshme për të adresuar shqetësimet e sigurisë të qytetarëve.

Një sondazh i DeutschlandTrend për televizionin publik tregoi se 67% e votuesve mbështesin kontrollin e përhershëm të kufijve, duke përfshirë më shumë se gjysmën e mbështetësve të Partisë Socialdemokrate të Kancelarit Olaf Scholz, duke reflektuar mbështetje për politikat më të ashpra të migracionit.