Lirohet nga burgu Safet Gjici, do ta vuajë dënimin në arrest shtëpiak

Gjykata e Apelit të Juridiksionit të Përgjithshëm ka vendosur lirimin nga burgu të ish-kryetarit të Bashkisë Kukës, Safet Gjici.

Apeli ka pranuar kërkesën e mbrojtjes së Gjicit për zëvendësimin e masës së sigurisë në arrest shtëpiak për shkak të gjendjes shëndetësore të tij.

Safet Gjici u dënua me 4 vjet e 6 muaj burg, me gjykim të shkurtuar, pas shpërthimit të një skandali seksual në zyrën e tij të punës, ku u publikua një video erotike me qytetaren Alma Kaçi. Ngjarja e bujshme çoi në arrestimin e tij më 24 qershor 2023, me urdhër të Gjykatës së Posaçme Kundër Korrupsionit dhe Krimit të Organizuar (GJKKO).