Bizneset protestojnë sërish kundër tregut të lirë të energjisë elektrike

Oda Ekonomike e Kosovës (OEK), së bashku me përfaqësues të bizneseve nga e gjithë Kosova, sërish do të mbajnë protestë në sheshin e Prishtinës.

Protesta e sotme është njoftuar të fillojë në orën 11:00, dhe është paraparë të zgjasë një orë.

Njësoj si herën e kaluar, bizneset po protestojnë për të kundërshtuar hyrjen në tregun e lirë të energjisë elektrike.

Në një konferencë për media, kryetari i OEK-së, Lulzim Rafuna, deklaroi se protesta do të jetë paqësore dhe bëri thirrje që qeveria të rishikojë vendimin e marrë.

Ai tha se kërkojnë afat njëvjeçar dhe një paketë ligjore për të lehtësuar transicionin për bizneset dhe për të mbrojtur qytetarët.