Konfirmohet vdekja e viktimës që ra nga kati i pestë i banesës

Mëngjesin e sotëm u raportua se një person u gjet pa shenja jete në “Lagjen e Muhaxherëve”, në Prishtinë.

Viktima dyshohej të ketë rënë nga kati i pestë i banesës, raporton IndeksOnline.

Rastin e ka konfirmuar edhe zëdhënësja e policisë për rajonin e Prishtinës, Flora Ahmeti.

Ahmeti tha për IndeksOnlinen se informacionin për rastin e morën rreth orës 6 të mëngjesit. Viktima është një mashkull.

“Vdekja e tij është konstatuar nga ekipi i mjekëve emergjent në vendin e ngjarjes .

Policia në koordinim me prokurorinë kanë nisur hetimin e rrethanave që karakterizojnë rastin”, deklaroi Ahmeti./IndeksOnline/