Personi që dyshohet se u vetëvra në Veternik ishte kandidati i AAK-së për deputet

Një vetëvrasje ka ndodhur ditën e sotme në Veternik të Prishtinës. Viktima e gjinisë mashkullore u gjet i vdekur në një veturë, shkruan Periskopi.

Lajmin e ka konfirmuar zëdhënësi i Policisë së Kosovës për rajonin e Prishtinës Enis Pllana.

“Rreth orës 15:00 kemi pranuar informatën se një person pa shenja jete gjendet në një automjet në Veternik në Prishtinë.Vdekjen e viktimës (mashkull) e ka konstatuar ekipi mjekësor në vend ngjarje.”, tha ai.

Personi i gjetur i vdekur është Hekuran Hoxha, i njohur si “Kani”,

Ai ishte biznismen nga Gjakova, dhe kandidat për deputet nga radhët e AAK-së në zgjedhjet e fundit.