Therje në sheshin “Nëna Terezë”, viktima përfundon në QKUK

Një person është dërguar në QKUK pasi është therur me thikë në sheshin “Nëna Terezë” në Prishtinë.
Ai dyshohet të jetë therur nga një person i njohur për policinë.

“Një mashkull kosovar është dërguar për trajtim mjekësor në QKUK për shkak se ishte sulmuar me thikë nga disa persona”, thuhet në Raportin e Policisë së Kosovës.

“Sipas dëshmitarëve viktima është therur me thikë nga i dyshuari mashkull kosovar (i njohur për policinë), së bashku me disa persona tjerë të dyshuar të cilët janë në kërkim të policisë”.

“Viktima është duke u trajtuar në QKUK dhe sipas mjekëve është jashtë rrezikut për jetë. Njësia policore është në sigurim të viktimës. Rasti në hetime”.