Rreth 90 mijë persona në Maqedoni kërkojnë prindërit e tyre biologjikë

Rreth 90,000 njerëz nga Maqedonia po kërkojnë prindërit e tyre biologjikë, si dhe të afërmit e tyre më të ngushtë, thonë nga Shoqata “Ndërtojmë të ardhmen”. Ata aktualisht po zbatojnë fushatën “Edhe ti ke të drejtë të njohësh prindërit e tu”, me qëllim që ta ngrenë çështjen në një nivel më të lartë institucional.

Në një vend, zbuluam se një vëlla dhe një motër që ishin të ndarë janë dashuruar, janë martuar dhe pas analizës së ADN-së janë zbuluar se janë vëlla e motër. Kjo është arsyeja pse ne po e inkurajojmë këtë projekt për të mos lejuar që vëllezërit dhe motrat të ndahen me anë të adoptimit, për të qenë bashkë dhe për të parandaluar që kjo të ndodhë përsëri”, tha Ilija Jovanoviq- Shoqata Ndërtojmë të Ardhmen.

Jovanoviq thotë se do të kërkojnë ndryshime ligjore, që personave të birësuar të mos u fshihet identiteti që në lindje.

“Të adoptuarit janë të revoltuar, sepse kanë jetuar në fshehtësi për vite me radhë, dhe pse nuk e dinë të vërtetën, dhe pse e gjithë historia e të adoptuarve mbahet në sirtarë dhe arkiva shtetërore. Ne do të kërkojmë, kemi mbështetje nga Strasburgu, që Maqedonia të ketë të drejtë të hapë librat, për të gjithë ata që janë adoptuar dhe kujdesen në një shtëpi të vogël, familje kujdestare si fëmijë pa prindër. Ata duhet të dinë se kush janë prindërit e tyre të vërtetë biologjikë. Këtu Maqedonia po bën sikur nuk di gjë dhe nuk dëshiron të marrë masa”, theksoi Ilija Jovanoviq- Shoqata Ndërtojmë të Ardhmen.

Në takimin që patën dje me përfaqësues nga Ministria e Punës dhe Çështjeve Sociale, ata morën premtimin se do të formohej një komision për të ndryshuar legjislacionin, gjë që do ta bënte të pamundur ushtrimin e së drejtës së tyre.