Sllovenia vendosi kusht për progresin e Serbisë drejt BE-së: Kërkon arkivat e shërbimeve sekrete

Kryeministri slloven Janez Jansha deklaroi se Sllovenia nuk do të mbështesë asnjë progres të mëtejshëm drejt anëtarësimit të Serbisë në Bashkimin Evropian për sa kohë që Beogradi nuk dorëzon arkivat e ish-shërbimeve sekrete jugosllave që lidhen me Slloveninë.

Ai e publikoi këtë qëndrim në platformën e mediave sociale X, një ditë pas zgjedhjeve në Serbi, në një kohë kur po ngrihet sërish çështja e rrugës evropiane të këtij vendi.

Edhe pse komisaria evropiane për zgjerimin, Marta Kos, kishte deklaruar më parë se “dera e BE-së është e hapur” për Serbinë, mesazhet nga Sllovenia tregojnë se vazhdimi i negociatave nuk do të jetë i mundur pa zgjidhjen e çështjeve të hapura mes dy shteteve.

“Nuk do të japim pëlqim për asnjë progres për sa kohë që Serbia nuk i dorëzon Sllovenisë të gjitha arkivat e Udba-s, SDV-së, APJ-së, ZSNZ-së dhe shërbimeve të tjera të ish-RSFJ-së që lidhen me Slloveninë”, deklaroi Janša.

Ai theksoi se Sllovenia do të mirëpriste një vendim eventual të autoriteteve të reja serbe për përshpejtimin e negociatave të anëtarësimit në BE, por me kushtin e qartë të dorëzimit të dokumenteve.