Stuhi me shi të rrëmbyeshëm, nga e diela rikthehen reshjet dhe ftohja

Maqedonia e Veriut do të përballet me mot të paqëndrueshëm, me reshje shiu dhe bubullima. Sot, reshjet pritet të jenë më intensive në disa zona, përfshirë Shkupin.

Të premten do të vazhdojnë reshjet lokale, ndërsa do të fryjë erë mesatare deri e fortë nga veriu. Të shtunën pritet përmirësim i përkohshëm i motit.

Megjithatë, nga e diela rikthehet vala e re e reshjeve, me vranësira dhe temperatura më të ulëta. Moti i paqëndrueshëm pritet të vazhdojë edhe në ditët pasuese.