U lëndua rëndë ndaj Evertoni, Martinezit i duhet operim pasi e theu nofullën

Portieri i Chelseat, Emiliano Martinez, u lëndua gjatë ndeshjes së xhiros së shtatë të Premierligës kundër Evertonit.

Skuadra londineze e fitoi ndeshjen me rezultat 2-0, shkruan “Gazeta Express”.

Martinezi u përplas me një lojtar të Evertonit gjatë një dueli për topin.

Mjekët që hynë në fushë i dhanë ndihmën e parë portierit argjentinas dhe i vendosën një maskë oksigjeni. Martinez u largua nga fusha me barelë.

Sipas gazetarit Gaston Edul, në një postim në rrjetin social “X”, Martinezi ndodhet në spital dhe është i vetëdijshëm.

Skaneri i kokës, si dhe ekzaminimet e shpinës dhe qafës, nuk zbuluan ndonjë anomali.

Mjekët konstatuan një frakturë në nofullën e portierit. Për këtë arsye, ai vazhdon të qëndrojë në spital.

Martinezi do t’i nënshtrohet një operacioni.

Ai iu bashkua Chelseat nga Aston Villa verën që e lamë pas.

Portieri ka zhvilluar gjashtë paraqitje për klubin londinez, duke pësuar 11 gola dhe duke e mbajtur portën të paprekur në një ndeshje.