Tre të vdekur gjenden në shtëpinë e 24-vjeçarit që vrau 6 të pafajshëm në qendër të Krakovës, janë prindërit dhe motra

Dy gra dhe një burrë, të cilët sipas informacioneve të publikuara nga mediat polake janë motra, nëna dhe babai i personit të armatosur që vrau gjashtë njerëz në sheshin qendror të Krakovës, janë gjetur të vdekur në banesën e tij.

Lajmi u bë i ditur nga kryeministri polak Donald Tusk, i cili shpalli dy ditë zie kombëtare.

Mes gjashtë viktimave të sulmit të kryer nga i riu i armatosur polak në Krakovë ishte edhe një shtetas britanik, njoftoi kreu i policisë.

“Gjashtë persona u vranë, katër gra dhe dy burra. Tre gra polake, një shtetas britanik dhe dy persona, identiteti i të cilëve ende nuk është përcaktuar”, deklaroi Marek Boron në një konferencë për shtyp.

Ai bëri të ditur gjithashtu se 15 persona mbetën të plagosur, mes tyre edhe pesë shtetas të huaj. Autori i sulmit, 24-vjeçar, u plagos rëndë nga policia.

Ministri i Brendshëm polak deklaroi se “gjithçka tregon se autori ishte ndikuar nga ideologjia e ekstremit të djathtë”.