E mori rrjedha e lumit Mat duke peshkuar, identifikohet 22 vjeçari, polumbarët kërkojnë për trupin

22 vjeçari Valentin Nikolli është mbytur pasditen e sotme në lumin Mat në vendin e quajtur “Ura me harqe”. RENEA dhe polumbarët vijojnë kërkimet për gjetjen e trupit të të riut i cili ka qenë me dy persona të tjerë duke gjuajtur për peshk kur është futur në ujë. Por e ka marrë rrjedha dhe nuk ka mundur të dalë pasi nuk ka ditur mirë not.

Në dëshminë e tyre, shokët kanë thënë se 22-vjeçari ka rënë në ujë dhe e ka marrë rrjedha. Në vendngjarje kanë shkuar shërbimet e Policisë dhe skuadra e polumbarëve e Repartit Special RENEA, të cilët kanë filluar kërkimet për gjetjen e 22-vjeçarit.