Mickoski: Nuk do të ketë ndryshime Kushtetuese nën diktat bullgar, dalja nga kriza janë zgjedhjet

Gjatë vizitës së sotme në komunën e Aerodromit, kryetari i VMRO-DPMNE-së Hristijan Mickoski, duke iu përgjigjur pyetjes së gazetarit se çfarë mendon se është një rrugëdalje e qëndrueshme nga kriza politike dhe ngërçi i eurointegrimeve, theksoi se e vetmja zgjidhje janë zgjedhjet, përcjellë Klan M.

“Po, ne nuk kemi ndërmend të hyjmë në bisedime ku konturi i atyre bisedimeve do të jetë diktati bullgar, ne kemi shprehur mendimin tonë, kemi pasur një qëndrim konsistent, të pandryshuar për një vit dhe ky do të jetë ai qëndrim në të ardhmen. Pra këtu nuk keni asnjë dyshim, se ndryshimet kushtetuese nën diktimin bullgar jo vetëm që nuk do t’i pranojmë, por do t’i refuzojmë dhe kategorikisht. Sa i përket daljes, dalja është të kemi zgjedhje. Është e qartë se zgjedhjet janë gjëja më logjike që mund të ndodhë në këtë moment” – deklaroi Mickoski.