Kryesuesi i OSBE-së kërkon lirimin e policëve të Kosovës: Urgjente të shtensionohet situata në veri

Kryesuesi i OSBE-së kërkon lirimin e policëve të Kosovës: Urgjente të shtensionohet situata në veri

Nevojitet t’i përmbahemi Udhërrëfyesit të bashkësisë ndërkombëtare për qetësim të situatës, me përkujtim se Forcat e NATO-s në Kosovë (KFOR) kanë detyrë të mundësojnë gjendje të qetë dhe të sigurtë në komunat veriore të Kosovës, njoftoi shefi i diplomacisë Bujar Osmani në Tuiter.

“Në cilësi të ministrit të Punëve të Jashtme dhe kryesuesit të OSBE-së, bisedova me shefat e diplomacive të Serbisë dhe Kosovës. E përsërita thirrjen time për qetësim urgjent në komunat veriore në Kosovë”, u shpreh Osmani.

Sipas tij, me rëndësi kyçe është që Serbia të mundësojë qasje urgjente deri te policët e arrestuar dhe t’i lirojë.

“Është kyçe që të gjitha palët të punojnë për paqe dhe unë u bëra thirrje ta bëjnë atë! OSBE-ja ofroi dhe është e gatshme të ndihmojë në pajtim me nevojat”, shtoi Osmani.