Lajm i rëndësishëm për prindërit, Nagavci: Nga nesër mund të aplikoni për subvencionimin e teksteve shkollore

Lajm i rëndësishëm për prindërit, Nagavci: Nga nesër mund të aplikoni për subvencionimin e teksteve shkollore

Ministrja e Arsimit, Arbërie Nagavci, me anë të një video të publikuar në Facebook-un e saj, njofton për mënyrën se si do të subvencionohen prindërit për blerjen e teksteve shkollore për fëmijët e tyre.

Ajo informon se subvencionimi nis nga nesër dhe sipas saj paratë do të dalin në xhirollogaritë e prindërve nga fillimi i javës së ardhshme.

“Do të ndahen 80 euro për nxënësit nga klasa 1 deri në klasën e 5 për blerjen e teksteve dhe materialeve mësimore”, informon ajo.
Sipas Nagavcit, platforma e aplikimit bashkë me instruksionet do të publikohet nesër.

Ndërsa, ajo thotë se “për herë të parë për nxënësit nga klasa 6 deri në klasën e 9 të cilët tashmë i kanë të siguruara tekstet mësimore, do të ndahen 30 euro si mbështetje për materiale të tjera shkollore”.