Grubi i tha që më shok e ka Ledri se Izetin. Reagoi ky i fundit, i përgjigjet ish ushtari i UÇK!

Kreu i Lëvizjes Demokratike, Izet Mexhiti ka reaguar pas deklaratave të ish bashkëpartiakut të tij Artan Grubi në “21 Gradë” në TV21, i cili tha se më shok e ka këngëtarin Ledri, se Izet Mexhitin.

Mexhiti thotë se Shkupi nuk bën dallime në prejardhje, ndërkaq shton se shkupjanët nuk harrojnë përbuzjen.

“Artan, shoku i Ledrit, Shkupi dhe shkupjanët kanë ditur të respektojnë dhe përqafojnë çdokënd, pa pyt fare se nga vjen dhe prej nga e ka prejardhjen.

Falë këtij mentaliteti, sot në Shkup bashkëjetojnë shqiptarë nga Presheva e deri nga Jugu i Shqipërisë, gjë për të cilën mburrem si shkupjan.

Ti mund dhe duhet të jesh krenar me prejardhjen tënde gjakovare, por kjo nuk të jep të drejtë të nënçmosh Shkupin dhe Shkupjanët, që me zemërgjërësi e bujari pritën vëllezërit e motrat prej kudo. E shkupjani me të vërtetë e ka zemrën e madhe Artan, por një gjë nuk e toleron, nuk ta fal, përbuzjen dhe nënçmimin. E për fund Artan, thënia gjakovare thotë “hajt bac t’u rrittë mendja”, shkruan Mexhiti.

Mes tyre ka hy ish ushtari i Ushtrisë Çlirimtare nga Haraçina, Shaban Bafqari, i është kundërpërgjigjur Izet Mexhitit pas reagimit që ky i fundit pati në rrjetet sociale, duke u fshehur pas “shkupjanëve”, tenton t’i ikë ballafaqimit direkt me zëvendëskryeministrin e parë, Artan Grubi.

Sipas Bafqarit, ai ka thënë se zëvendëskryeministri Grubi ka të drejtë të flasë për Mexhitin, megjithatë sipas Bafqarit, Mexhiti nuk ka të drejtë të fshihet pas shkupjanëve.

“Për Izetin ka hala hapsinë me fol dhe mirë ja ban që fol. Izet dili përball Artanit e jo me u msheh mas Shkupjanve se nuk jan krejt Shkupi dhe rrethina Izeta”, ka shkruar mes tjerash, ish ushtari i UÇK-së, Shaban Bafqari.