Pendarovski: Agresioni i Rusisë ndaj Ukrainës solli goditje mbi paqen ndërkombëtare

Presidenti Stevo Pendarovski gjatë ditës së djeshme në Nju Jork ju kthye debatit për paqen dhe sigurinë ndërkombëtare të Këshillit të Sigurimit, mbi temën “Mbajtja e qëllimeve dhe principeve Karta e OKB-së përmes multilateralizmit efektiv: ruajtja e paqes dhe sigurisë në Ukrainë.
Ai sugjeroi se detyra më e shpejt në botën për siguri është të jetë të angazhuar në mënyrë proaktive në përfundimin e luftës në Ukrainë.

“E vetmja mënyrë për që të arrihet ky qëllim është nëpërmjet diplomacisë dhe marrëveshjes, bazuar në respektimin e sovranitetit dhe integritetit territorial të Ukrainës brenda kufijve të saj të njohur ndërkombëtarësh. Për këtë, hapi i parë duhet të jetë një armëpushim i menjëhershëm dhe pa kushte, për të krijuar një mjedis për fillimin e negociatave. “Gjatë gjithë procesit Kombet e Bashkuara duhet të themelojnë një mision paqeruajtës me detyrë kryesore monitorimin e armëpushimit dhe ndihmën humanitare për civilët”, theksoi Pendarovski.
Ai theksoi se agresioni i Federatës Ruse kundër Ukrainës i dha një goditje të fortë paqes dhe sigurisë ndërkombëtare, parimeve bazë të ligjit ndërkombëtar dhe rendit ndërkombëtar.

“Situata aktuale është rezultat i shpërfilljes së detyrimeve të përfshira në Kartën e OKB-së të vitit 1945. Pa respektuar barazinë sovrane dhe integritetin territorial të çdo shteti anëtar, nuk mund të flasim për multilateralizëm efektiv. Deri më tani kemi parë disa përpjekje për të ripërcaktuar themelet e rendit ndërkombëtar, por asnjëra prej tyre nuk ka fituar një mbështetje kaq të gjerë sa parimet që bota e qytetëruar vendosi pas tmerreve të Luftës së Dytë Botërore” shtoi Pendarovski.

Sipas tij, është e qartë se kjo bllokadë zvogëlon besueshmërinë dhe besimin e popullit se Kombet e Bashkuara mund të arrijnë objektivin kryesor për të cilin u krijua gati tetë dekada më parë.