Ambasadori Hovenier ofron mbështetje për zbardhjen e sulmit terrorist në veri

Ambasadori i ShBA-së në Kosovë, Jeffrey Hovenier, ka thënë se sulmi në veri ndaj Policisë së Kosovës u krye nga një grup profesional dhe mirë i organizuar.

Pas takimit me presidenten Vjosa Osmani, Hovenier i ofroi mbështetje të plotë institucioneve të Kosovës për ta zbardhë rastin në tërësi dhe që përgjegjësit të marrin dënimin e merituar.

Ai u shpreh më i rezervuar për të komentuar pamjet e publikuara ku shihet se prijës i grupit terrorist ishte Milan Radojçiq.