Lajçak e pret në Bruksel Komandantin e ri të KFOR’it, diskutojnë për gjendjen aktuale dhe dialogun

Emisari special i BE-së, Miroslav Lajçak, ka pritur në zyrën e tij komandantin e radhës të KFOR-it, gjeneralin turk, Özkan Ulutaş.

Ai tha se kanë folur për situatën aktuale në Kosovë dhe tha se pret që të vazhdojë bashkëpunimi me KFOR-in.

“Kënaqësi të mirëpresim komandantin e ardhshëm të KFOR-it, gjeneralmajor Ulutaş në zyrën time sot. Kemi shkëmbyer mendime për situatën aktuale në Kosovë dhe për dialogun. Mezi presim vazhdimin e bashkëpunimit të shkëlqyer të gjatë me KFOR-in”, ka shkruar Lajçak.

Këtë muaj, Ulutaş është pritur edhe në zyrën e presidentes Osmani dhe atë të kryeministrit Kurti për t’iu uruar mirëseardhje në Kosovë.

Ulutaş do të pasojë komandantin italian në KFOR-, Angelo Michele Ristuccia.

Pleasure to welcome the incoming Commander of @NATO_KFOR Major General Ulutaş in my office today. We exchanged views on the current situation in Kosovo and the Dialogue. Looking forward to continuing the long-standing excellent cooperation with KFOR. pic.twitter.com/P66nFYLXAr

— Miroslav Lajčák (@MiroslavLajcak) September 27, 2023