Bytyqi: Politikat socialdemokrate kanë mbrojtur standardin në kohë krize dhe do të vazhdojnë të përmirësojnë mirëqenien e të gjithë qytetarëve

Sot është e qartë se nëse gjatë tre viteve të fundit të krizës, pas Covid-it, kriza energjetike dhe ekonomike, Qeveria nuk do të kishte zbatuar masat që kemi zbatuar për të mbrojtur standardet e grupeve me të rrezikuara dhe më pas ruajtjen e vendeve të punës, sot do të kishim një pamje më të keqe”, tha zëvendëskryeministri i Qeverisë së Republikës së Maqedonisë së Veriut, përgjegjës për çështje ekonomike, koordinim me resorët ekonomikë dhe investimet, Fatmir Bytyqi.

Zëvendëskryeministri Bytyqi sot mori pjesë në panelin me titull “Jetë dinjitoze apo mbijetesë?” organizuar nga Platforma Maqedonase Kundër Varfërisë (PPPS) në kuadër të shënimit të Ditës Ndërkombëtare për Çrrënjosjen e Varfërisë, 17 tetor, mesazh vjetor i së cilës është “Punë e denjë dhe mbrojtje sociale: dinjitet në praktikë, për të gjithë!”.

Në deklaratën e tij për mediat, zëvendëskryeministri Bytyqi tha se ky diskutim i rëndësishëm vjen në momentin e duhur, veçanërisht pas Covid-it, i cili u pasua nga kriza energjetike dhe ekonomike dhe sigurisht edhe nga lufta në kontinentin tonë.

“E gjithë kjo ndikon në thellimin e hendekut mes grupeve të rrezikuara. Ne, si dhe vendet në botë, po përballemi me këtë problem. Sot është e qartë se nëse gjatë tre viteve të fundit Qeveria nuk do të kishte zbatuar masat që kemi zbatuar për të mbrojtur standardet e grupeve e grupeve më të rrezikuara dhe më pas për të ruajtur vendet e punës, sot do të kishim një pamje më të keqe. Politikat socialdemokrate kanë mbrojtur dhe do të vazhdojnë të mbrojnë standardin dhe të përmirësojnë mirëqenien e të gjithë qytetarëve”, tha Bytyqi.

Zëvendëskryeministri Bytyqi shtoi se studime të tilla janë të mira për krijimin e politikave të bazuara në fakte dhe ne do të vazhdojmë ta bëjmë këtë.

“Unë them vazhdimisht se zgjidhjet sistematike janë të nevojshme për stabilitet dhe zhvillim të parashikueshëm, por në të njëjtën kohë ato mbrojnë më të rrezikuarit, të drejtat e të cilëve shkelen të parët dhe më lehtë në kohë krize apo trazirash politike. Ne sollëm zgjidhje të tilla sistemore, pra zbatimin e pagës minimale dhe metodologjinë e llogaritjes së pensioneve.

Kjo kategori qytetarësh, si asnjëherë që nga pavarësia, tashmë është e mbrojtur pikërisht nga dukuri të tilla. Kjo Qeveri ka treguar se kujdeset njësoj për të gjithë dhe ne do të vazhdojmë ta bëjmë këtë”, tha Bytyqi.