A po i mbledh Taravari kuvendarët para Selës?

Nga faqja zyrtare në Facebook e Aleancës për Shqiptarët demantojnë se Kuvendi Qendror i partisë do të mbahet të nesër në Kumanovë. Në Facebook është shpërndarë edhe mesazhi, që sipas ASH-së, u është dërguar disa kuvendarëve. E gjithë kjo ngjall dyshimet në atë se kreu i partisë, Arben Taravari ndoshta do të mbledh Kuvendin Qendror para mbledhjes së caktuar nga kryetari i KQ-së, Ziadin Sela, për ditën e shtunë. TV21 që nga mëngjesi ka kontaktuar kryetarin e partisë, Arben Taravari, por deri në publikimin e këtij informacioni, nuk i është përgjigjur pyetjeve tona.