Vdes gardiani i burgut në Kosovë, dyshohet se ra nga qershia

Ka vdekur një gardian i Burgut të Dubravës.

Klankosova.tv mëson se Hasib Cakoviq, vdiq pasi aksidentalisht ra nga qershia.

Ngjarja tragjike ka ndodhur në fshatin Veriq të Istogut, para tri dite.

Shërbimi Korrektues i Kosovës iu ka shprehur ngushëllime familjarëve.

“Me pikëllim të thellë marrëm lajmin për ndarjen nga jeta të më të dashurit tuaj, e bashkëpunëtorit tonë, Hasib Cakoviç. Cakoviç ka lënë një gjurmë të pashlyeshme në Shërbimin Korrektues të Kosovës, duke kontribuar me pasion dhe përkushtim. Humbja e tij është një humbje e madhe për të gjithë ne”, thuhet në telegramin e ngushëllimit.