Miliarderi japonez anulon “fluturimin privat rreth Hënës”

Miliarderi japonez Yusaku Maezawa anuloi misionin e tij “privat në Hënë”, për të cilin projekti tha se ishte fluturimi i parë privat rreth hënës, njoftoi misioni të shtunën.

Ekipi fillimisht kishte synuar të bënte fluturimin “rreth hënës”, me të famshëm në bord, deri në fund të vitit të kaluar, por kjo u bë “e pamundur”, tha misioni në një deklaratë në faqen e tij të internetit, shkruajnë mediat e huaja.

“Pa një siguri të qartë të planit në afat të shkurtër, me keqardhje njoftojmë që Maezawa mori vendimin e pashmangshëm për të anuluar projektin”.

“Për të gjithë ata që e kanë mbështetur këtë projekt dhe e kanë pritur me padurim këtë përpjekje, ne e vlerësojmë sinqerisht dhe kërkojmë falje për këtë rezultat”.

Megjithatë, deklarata nuk jep detaje të mëtejshme për shkakun e anulimit.