Mickoski takohet me Ramën në Uashington

Kryeministri i Maqedonisë së Veriut, Hristijan Mickoski, ka zhvilluar një takim me kryeministrin e Shqipërisë, Edi Rama, në Uashington. Në një postim në Facebook, Mickoski thekson se rajoni mund të zhvillohet vetëm nëse trajtohet shpejt e ardhmja dhe prosperiteti i të gjithë qytetarëve.

Ai fokusohet në pikat që i bashkojnë dhe janë bazë për zhvillimin e marrëdhënieve të mira. Mickoski shpreh nevojën për të filluar një epokë të re të dialogut të barabartë dhe miqësisë së sinqertë.

“Kam pasur një takim me kryeministrin e Shqipërisë, Edi Rama. Rajoni mund të zhvillohet vetëm nëse trajtohet shpejt e ardhmja dhe prosperiteti i të gjithë qytetarëve. Le të përqendrohemi në pikat që na bashkojnë dhe janë bazë për zhvillimin dhe ndërtimin e marrëdhënieve të mira. Është koha për të filluar një epokë të re të dialogut të barabartë dhe miqësive të sinqerta”, ka shkruar Mickoski në facebook.