Vetura godet për vdekje shtetasen e Shqipërisë në Ferizaj, arrestohet shoferi

Një grua ka humbur jetën si pasojë e lëndimeve të rënda që mori pasi u godit nga një veturë në Ferizaj dje pasdite, raporton Gazeta Online Reporteri.net.

Rastin e ka konfirmuar Policia e Kosovës përmes raportit 24 orësh, ku bëhet e ditur se viktima është shtetase e Shqipërisë.

Lidhur me rastin, është arrestuar shoferi që po drejtonte veturën, e që dyshohet se aksidentin e ka shkaktuar si pasojë e pakujdesisë.

“Është arrestuar i dyshuari mashkull kosovar pasi që i njëjti duke drejtuar automjetin, dyshohet se nga pakujdesia ka goditur këmbësoren- viktimë femër shtetase e  Shqipërisë e cila pasi ka arritur në QKUK duke mos u bërë ballë lëndimeve ka ndërruar  jetë. Vdekjen e saj e ka konfirmuar ekipi mjekësor.  Me vendim të prokurorit i dyshuari është dërguar në mbajtje”, njofton Policia.