Arrestohet një serb në Jarinje, po kërkohej për një rast kërcënimi të vitit 2022

Një serb, Dushan Neshiq është arrestuar në pikën kufitare në Jarinjë, derisa po tentonte të hynte nga Serbia për në Kosovë.

Rastin e ka konfirmuar për Gazetën Online Reporteri.net, zëdhënësi i policisë për rajonin e veriut, Veton Elshani.

Ai ka bërë të ditur se i njëjti është arrestuar për një rast të vitit 2022 që ka të bëjë me “kërcënime”.

Elshani shtoi për Reporteri.net se Neshiq është arrestuar sot rreth orës 5 të mëngjesit, dhe është dërguar në mbajtje në Mitrovicë të Jugut për 48 orë.

“Është ndaluar të hënën rreth orës pesë të mëngjesit, teksa po hynte në Kosovë nga Serbia. I dyshuari është ndaluar për 48 orë dhe gjendet në stacionin policor në Mitrovicën e Jugut”, tha zëdhënësi i policisë për rajonin e veriut, Veton Elshani.